Наталија пораснала во едно руско село со самохрана мајка и аутистична сестра, а во младоста работела на пазар.
Руската манекенка Наталија Водијанова (37), која поради својата животна приказна е наречена и Пепелашка, се мажи за Антоан Арно, чиј татко Бернард е сопственик на една од светски најпрофитабилните компании LVMH Moet Hennessy.
Се проценува дека неговото богатство изнесува неверојатни 84 милијарди фунти, што го прави трет најбогат човек на светот после Џеф Безос и Бил Гејтс.
Наталија пораснала во едно руско село со самохрана мајка и аутистична сестра, а во младоста работела на пазар. Токму тука ја забележал модниот агент, а на 17 години се иселила во Париз. Во 2001 година го запознала својот прв сопруг, синот на англискиот лорд Џастин Портман, а истата година се омажила за него, во осмиот месец од бременоста.
Меѓутоа таа љубовна приказна не завршила убаво, а Портман изјавувал дека Русинката се срами од него, дека воопшто не ѝ недостасува откако не се заедно и дека не ѝ паѓа на памет пак да бидат семејство и дека поради неа морал на рехабилитација по разводот.
Со Антоан Арно започнала врска и со него добила уште две деца.
