Американската актерка Памела Андерсон, по посетата на Асанж изјавила дека основачот на Викиликс нема фер третман и дека не заслужува да биде во затвор со највисок степен на обезбедување.
Асанж служи казна од 50 недели во затворот Белмарш на југоистокот на Лондон.
Овој затвор го споредуваат со тој на Куба, во кој американските власти ги држеле најопасните исламисти. Во британскиот “Гвантанамо” се сместени многу опасни затвореници.
Холивудската актерка која и претходно го бранела Асанж, реклa за новинарите дека тој е невин и дека има нефер третман.
„Добро е што го видов, но ова е злоупотреба на законот. Апсолутно е шокантно што не може да излезе од својата ќелија”, рекла таа.
Актерката додаде дека Асанж бил “изолиран од сите”, вклучувајќи ги и неговите деца, и дека немал пристап до какви било информации.
„Тој е добар човек и неверојатна личност. Го сакам и не можам да замислам низ што минува“ – вели Памела.
Тој е во затвор поради кршење на условната слобода, а САД бараат негова екстрадиција поради наводно хакување на компјутерите на Пентагон.
