Вечерва во Тел Авив, Израел, се одржува финалната вечер на Евровизија 2019, а под реден број 8 настапува нашата претставниичка Тамара Тодевска.
Веќе е познато дека нашата моќна балада привлекува сè повеќе внимание кај евровизиските фанови, но и кај целата европска публика. Пласманот на Македонија во финалето ги подгрева и прогнозите дека Тамара добро ќе котира и во конечната табела.
Така мисли и долгогодишниот коментатор на Евровизија, Грахам Нортон, кој пренесува за „Би би си“ дека Македонија оваа година испрати „голема балканска БАЛАДА“. Своето мислење, заедно со инсерт од настапот, тој го објави на профилот на Твитер на „Би би си“.
Потсетуваме, Македонија неколку години не се пласираше во финалето на Евровизија. Всушност, прва која не се пласираше беше токму Тамара Тодевска, заедно со Врчак и Адријан Гаџа во 2008 година. Оттогаш, па до сега, единствено Калиопи успеа да влезе во финалето во 2012 година во Азербејџан со песната „Црно и бело“.
За својот пласман, првичната реакција на Тамара беше дека „клетвата е конечно скршена“ и дека следуваат успешни настапи и резултати на Македоноја на Евровизија.
North Macedonia: BIG BALKAN BALLAD! #Eurovision pic.twitter.com/IFOvJGBJ1K
— BBC Eurovision?? (@bbceurovision) May 16, 2019
