„Јас имам деца што многу го сакаат и го ценат македонскиот фолклор. Имам еден ученик што бара исклучиво слика и потпис од Зуица Лазова, дете што е во основното музичко, шесто одделение, што значи дека неговите дома ја завршиле нивната работа и мисија“, рече во една прилика за „Слободен печат“ Зуица Лазова, нашата позната фолк пејачка и професор по хармоника.
Македонка, постарата ќерка на Наум Петрески и на Зуица дипломираше соло пеење на Факултетот за музичка уметност, во класата на Весна Ѓиновска-Илкова.
Помалиот син Стефан е средношколец и изучува музика н исто како и неговата сестра, во фолклорниот оддел. Велат дека крушата под круша паѓа, па тој ја наследил музикалноста од своите родители.
Зуица како горда мајка објавила слика од својот син, како пее македонски традиционални песни со народен оркестар, и напишала: Поддршка за младите чувари на традицијата. На сликата се гледа и дека Стефан навистина наликува на својот татко Наум кога беше помлад.
