Уна Чолиќ, постарата ќерка на легендарниот пејач, на социјалните мрежи сподели моменти од ноќно излегување во центарот на Белград.
Како што може да се види од објавите, таа вечерта ја поминала во популарен клуб, каде што уживала во сценски перформанс во кој учествувале и полуголи танчари.
Освен атмосферата од локалот, Уна покажа и маса преполна со деликатеси. Меѓу нив имало и школки, познати како природен афродизијак, како и пијалаци со кои наздравувала заедно со пријателите.
Снимките и фотографиите откриваат опуштена и разиграна атмосфера, далеку од секојдневната приватност што вообичаено ја негува.
Инаку, според пишувањата на медиумите, ќерката на Чолиќ наводно е подготвена за следниот голем чекор во љубовта. Таа веќе подолго време е во врска со партнер кој е десет години постар од неа, а се споменува и можна свршувачка во блиска иднина.
„Уна и нејзиниот партнер веќе неколку години уживаат во стабилна врска. Здравко Чолиќ го прифатил избраникот на ќерка си и му дал благослов, а семејството одлично се сложува“, вели извор близок до двојката.
Уна, нејзиниот партнер и помладата ќерка на пејачот, Лара, неодамна заедно отпатувале на концерт на Чолиќ во Австрија, што дополнително ги засили шпекулациите дека односите во семејството се повеќе од хармонични.
Во една од своите изјави, Здравко Чолиќ се осврна и на темата за бракот на своите ќерки.
„Јас би сакал, колку што можам, тоа малку да го одложам, без разлика на годините. Постарата ќерка е веќе стабилна, а помладата е уште млада. Сè е во Божји раце. Секогаш велам дека е убаво децата да прошетаат низ светот и да работат на себе, но судбината секогаш си го наоѓа патот“, изјави Чолиќ.
