На официјалниот твитер-профил на Кралицата Елизабета и членовите на кралското семјество денеска се појави необична објава.
„Благодарам“, пишуваше во објавата на кралицата Елизабета Втора на Твитер.
Постот беше активен само шест минути, а потоа беше избришан, но сепак привлече големо внимание пред да исчезне.
Необичниот краток твит беше споделен 591 пати и доби 1.260 лајкови.
Корисниците на социјалните мрежи се пошегуваа во врска со нејасниот твит.
„Па, беше крајно време и јас да добијам некакво признание“, беше еден од коментарите.
„Нема за што. Лиз и јас ја задржавме сметката во случај да сакате да ја смените“, е уште еден од коментарите.
