Бакингемската палата објави дека војводата и војвотката од Сасекс заминуваат на десетдневна посета на југот на Африка, каде сакаат да се уверат во влијанието на хуманитарната работа на принцезата Дијана.
Хари патува со Меган, но и со синот Арчи. Таму ќе бидат од 23 септември до 2 октомври. Хари ќе ги посети и Ангола, Малави и Боцвана, додека Меган со Арчи цело време ќе биде во Јужна Африка.
Принцот ќе отиде во обиколка на минските полиња во област во Ангола, каде неговата мајка ја започна акцијата на отстранување и детонирање.
Улогата на Меган на ова патување е да ги посети организациите кои работат на образованието, здравството и ја засилуваат општествената положба на жените таму.
