Моторџиската јакна беше омиленото парче на секоја дама, но се чини дека сега добила сериозна конкуренција
Кожената моторџиска јакна беше задолжителна за време на есенските денови. Кога би ги прашале модните експерти кое парче мора да се најде во плакарот на секоја жена, одговорот секогаш бил истиот: моторџиска јакна.
Но се чини дека оваа сезона ситуацијата се променила. Се’ помалку трендсетерки го носат овој модел. Забележуваме дека оваа есен сите полудеа по поширок и поедноставен модел.
Главен на модниот трон деновиве е моделот на јакна што неодоливо потсетува на пошироко сако. Ова парче сигурно ќе ја обележи 2019 година. Сите познати убавици веќе си набавиле таква јакна!
Овој крој бил актуелен во 90-тите години од минатиот век, а со воодушевување е дочекан и оваа сезона. Моделот лесно се вклопува во лежерни варијанти, но и во малку поелегантни и поформални модни комбинации. Сигурно ќе изгледате апсолутно шик со ова парче.
Одлично оди со фармерки, панталони, фустани, здолништа… Дефинитивно е парче во кое вреди да инвестирате!
