Пинк, Алесиа Бет Мур, потврди дека зема пауза од музиката најмалку една година.
Пејачката малку поинаквите планови за иднината ги откри на синоќешното доделување на Country Music Association наградите.
Последните две години ги помина на големата светска турнеја „Beautiful Trauma“ а сега сака промена.
– Време е да правам нешто друго на одредено време, изјави 40-годишната Пинк на црвениот тепих.
На доделувањето на наградите таа со себе го донесе тригодишниот син Џемсон, осумгодишната ќерка Вилоу и сопругот Кари Харт со кој наскоро ќе прослават 14 години брак.
