Американскиот бенд „Металика“ (Metallica) објави дека нивниот пејач Џејмс Хетфилд се лекува во неименувана клиника од зависности и поради тоа е откажана турнејата во Австралија и Нов Зеланд.
Останатите тројца членови – тапанарот Ларс Улрих, гитаристот Кирк Хамет и басистот Роб Трухиљо, на Твитер ја објавија одлуката и им се извинија на фановите. Во објавата е наведено дека Хетфилд (56) со години се бори со зависноста и дека повторно се пријавил на програма за лекување.
A Note from Lars, Kirk, and Rob
We are truly sorry to inform our fans and friends that we must postpone our upcoming tour of Australia and New Zealand.
(1/6)
— Metallica (@Metallica) September 28, 2019
Не се објавени повеќе детали, но членовите на „Металика“ споменаа дека го ценат разбирањето и поддршката која фановите ја имаат за еден од основачите на групата.
„Металика“ требаше да настапи во пет австралиски градови, а потоа да одржи и четири концерти во Нов Зеланд. Од бендот соопштија дека на сите кои имаат купено карти ќе им бидат вратени парите.
