Наоми Кембел е под истрага на надлежните органи, кои утврдиле дека манекенката се расфрлала со пари собрани за хуманитарни цели.
Една од најпознатите манекенки на сите времиња, Наоми Кембел, во 2005 година основа добротворна организација наречена „Fashion For Relief“. Нејзината фондација моментално е под истрага поради сомневања декa не се управувало правилно со финансиите, пренесува „The Guardian“.
View this post on Instagram
Наоми ја основа организацијата со цел да собере пари за децата кои живеат во сиромаштија и лоши услови ширум планетата. Наводно манекенката успеала да собере милиони за добротворни цели, сето тоа преку ревијата од хуманитарен карактер што се одвива секоја година.
Но, сега се истражува дали Наоми и нејзините соработници навистина ги почитувале регулативите на законот за добротворни цели. Кембел наводно успеала да го „спаси светот“ со модна ревија во Лондон, но на јавноста сè уште не ѝ е познато колку пари успеала да собере вечерта. Во извештаите кои подоцна беа објавени пишува дека собрала 1.722.000 фунти, и тоа во најголем дел, повеќето од овие извори од спонзори.
View this post on Instagram
По пресметката и разгледувањето на документацијата и извештаите, констатирано е дека 1,606,000 фунти отишле за организирање на хуманитарен настан, маркетинг и слични трошици. Се чини, според оваа сметка, само 5,515 фунти навистина отишле во хуманитарни цели.
