Според „MindBodyGreen“, вагиналниот однос трае околу 5,4 минути пред мажот да ејакулира, според истражувањето направено на хетеросексуални парови од пет различни земји.
Според истражувањето на сексуалните терапевти, 3 до 13 минути се сметаат за нормално времетраење на вагиналниот секс. Покрај тоа, на просечна жена ѝ се потребни околу 13 минути за да постигне оргазам за време на сексот со маж, а покрај тоа ѝ се потребни и друг тип на стимулации – не само пенетрација.
Парови кои се во подолги врски откриле дека нивната предигра трае 11 или 13 минути, а сексот во просек 7. Исклучок од ова правило може да бидат жените кои имаат секс со жени.
Истражување од 2014 година покажа дека просечното време на секс е од 30 до 45 минути кај жените во истополови врски, во споредба со 15 до 30 минути за мешаните врски и односите меѓу мажите.
Не постои одредено време со кое сигурно ќе постигнете добар оргазам и поради кое на крајот ќе можете да кажете дека сексот бил одличен. Сепак, сексуалните терапевти велат дека постои некој просек кој се покажал како добар за двете страни, а тоа е 7 до 13 минути за вагинален секс. Една до две минути се сметаат за прекратки, три до седум минути се соодветни, а 15 до 30 минути се сметаат за премногу долги. Сите бројки, се разбира, варираат од личност до личност.
ДАЛИ ВАГИНАТА СЕ ПРОШИРУВА ОД МНОГУ СЕКС? Гинеколог ја решава дилемата
