На улицата Скадарлија во Белград, пред бројот 28, вчера беше откриен споменикот на легендарниот фолк пејач Тома Здравковиќ.
Почест му оддаде и пејачот Драган Којиќ Кеба, кој се присети на својата прва и единствена средба со познатиот Здравковиќ, која траела само пет минути.
– Имав среќа во животот да го запознам Тома и да бидам со него пет минути. Се сеќавам дека беше 1987 година. Во тоа време беше многу модерно да се пее на саемот во Шабац. Јас настапував како воведен пејач, додека не дојдоа Тома, Шабан, Зорица, Весна… Сите ѕвезди тогаш пееја на тие настани. Дојде Тома, ме потапка по рамо и ми рече: „Заслужуваш повеќе од ова, ќе се случи“. За жал, никогаш повеќе не го видов, а тој момент го паметам како незаборавен – изјавил Кеба.
