Фудбалерот на Удинезе и А – репрезентацијата на Македонија, Илија Несторовски веќе неколку недели е атракција на Инстаграм со неговите вкучувања во живо.
Имено, за тие што не знаат, Несторовски скоро секојдневно на „лајв“ на Инстаграм вклучува гости со кои разговараат на најразлични теми.
Прв гостин во „Нестор Тв“ како што се нарекува оваа карантинска телевизија беше популарниот Панчо од ДНК, потоа Горан Пандев, Стефан Ристовски, Крсте Велковски, Енис Барди, Александар Трајковски, Езџијан Алиоски, поп-ѕвездата Влатко Лозаноски, голманот Дино Захов и уште многу други.
А, вечерва (сабота) со почеток во 21:30 часот гостин во „Нестор Тв“ ќе биде и Бобан Николов. Покрај темите за фудбалот, двајцата играчи ќе разговараат и на многу други теми…
