Бендот на музичката ѕвезда Маја Беровиќ бил нападнат во Мостар во саботата по концертот, кога маскирани напаѓачи на моторцикли испалиле повеќе куршуми во комбето во кое се превезувале нејзините музичари, дознава Блиц.
По концертот, бендот на Беровиќ се упатил кон хотелот, а непознатите лица маскирани со фантомки испалиле повеќе куршуми од огнено оружје со придушувач во тркалата и ги дупнале сите четири гуми на комбето.
Маја Беровиќ во тој момент се наоѓала во другото возило и останала во шок кога видела дека пред неа лица на мотори пукаат во комбето во движење.
Никој од членовите на бендот не е повреден, а сите биле преплашени поради целата ситуација која се случила за само неколку минути.
