Кристијано Роналдо минатата сезона од Реал Мадрид се пресели во Јувентус и во Италија веднаш се наметна како најдобар играч во клубот.
Во интервјуто за Soccer.com го прашале кој му е најважен гол во кариерата.
„Тешко е да се издвои само еден. Секогаш ќе одговорам на полесниот начин – ќе го издвојам последниот. Знам дека не беше најубав, ама секогаш последниот гол што ќе го постигнеш е најважен“, одговорил Роналдо.
Го прашале, ако може да го врати времето, со кој од големите фудбалери би сакал да игра, а тој одговорил:
„Има многу играчи со кои би сакал да играм. Но би сакал да можев да играм со Еузебио.“
Да не е фудбалер, со што би се занимавал?
„Би бил глумец или модел. Не знам. Би се обидел, ама можеби глумец. Не знам дали имам талент за тоа, ама ако доволно се посветиш и работиш на нешто, ќе успееш.
На крајот открил кој му е омилен филм.
„Имам многу омилени филмови, повеќе сакам документарци. „Кога јагнињата ќе стивнат“, тоа ми е омилен филм. Тоа е постар филм, сакам драми, тоа ми се допаѓа“, открива Роналдо.
