Војвотката од Сасекс Меган Маркл (38) се уште чека британско државјанство иако се пријавила пред две години. Барањето го предала недолго откако се верила за принцот Хари, а Кенсингтонската палата во тоа време и порачала на Меган дека ќе ја третираат како сите други, пишува Дејли Мејл.
– Меган се уште не е британска државјанка. Можеби тоа е необично бидејќи веќе 18 месеци е во брак со кралскиот внук, но го прифатила фактот дека процесот за добивање на државјанството едноставно е бавен – изјави пријателот на Меган.
Постојат неколку начини на кои може да се поднесе барање за државјанство, а Меган се пријавува како сопруга на британски државјанин. Доколку некој дојде во земјата како вереник на британски државјанин, мора да се венча во рок од шест месеци, што војвотката и го направи.
Чекањето на државјанство за Меган значи дека нема да може да гласа на било какви избори во Англија. На членовите на кралското семејство им е дозволено да гласаат иако тие традиционално не излегуваат на избори. Меѓутоа, досега веќе се покажа како војвотката е подготвена да им пркоси на кралските конвенции. Портпаролот не сакаше да ја открие информацијата дали Меркл ќе гласа на претседателските избори во САД.
