Пејачката Светлана Бајиќ, позната како Мала Цана, во интервју за „Србија денес“ отворено прозборе за драмата и судирите со ќерките на нејзиниот покоен сопруг Андрија Бајиќ. Таа изнесе тешки обвинувања, тврдејќи дека ден пред тој да биде пуштен од болницата ВМА, доживеала вербално и физичко насилство од неговите ќерки.
Според нејзините зборови, тие ја влечеле и ја нападнале пред болничката постела додека тој молел да не ја удираат, поради што морала да реагира и полицијата.
Во исповедта, Цана откри и детали за нивното тајно венчавање, истакнувајќи дека на барање на Андрија подоцна го земала неговото презиме. Таа се осврна и на хаосот по неговата смрт, тврдејќи дека семејството не ѝ дозволило да ги земе неговите лични работи за погребот, а на ВМА наводно била избришана од документацијата како сопруга.
Пејачката нагласи дека за сите инциденти и закани поседува аудио и видео снимки, како и полициски извештаи, најавувајќи дека правдата за целиот случај ќе ја бара на суд.
