Поп-пејачката Мадона, откако неодамна ја шокираше јавноста со изјавата дека „развила антитела на коронавирус“ и дека може слободно да се шета без да седи во самоизолација, сега смета дека пронаоѓањето вакцина против ковид-19 е неминовност.
За таа цел, таа донирала еден милион евра за да се пронајде вакцина што ќе помогне во спречувањето на ширењето на коронавирусот.
Меѓу другото, таа на своите обожаватели преку социјалните мрежи им соопштила и дека целосно го поддржува Бил Гејтс во неговите напори во изнаоѓање вакцина, со која ќе се стави крај на ова заразно заболување.
– Тоа е неопходно за да ги заштитиме медицинските работници, но и семејствата и пријателите. Импресионирана сум од работата на фондацијата „Бил и Мелинда Гејтс“ и нивните напори да се пронајде вакцина против овој вирус – рекла Мадона.
