Актерката Селма Блер редовно ги известува своите следбеници на социјалните мрежи како се одвива нејзината борба против мултипла склерозата.
Меѓутоа, филмската и телевизиска ѕвезда во последно време престана да пишува за својата здравствена состојба. Но сега, по подолго време таа конечно се огласи и вестите се одлични.
Во новата објава на Инстаграм Блер напиша дека добила протеза за одење која многу и помага. Имено, актерката по дијагнозата го загуби говорот, но подоцна постепено го врати, а едно време таа беше и неподвижна.
Актерката објави кратко видео од своето одење и тоа колку напредувала.
Болеста која го напаѓа централниот нервен систем влијае на телото и умот. Најчестите симптоми се проблемите со одењето, заморот, слабоста, болките и депресијата.
Селма отворено зборуваше во медиумите за својата борба со болеста која и беше дијагностицирана во 2018 година. Таа едно време користеше бастун, но сега доби подобро и трајно решение.
