Луна Ѓогани и Марко Миљковиќ пред три години открија дека станале сопственици на плац во селото Мраморак, со план таму да изградат викенд-куќа во која ќе бегаат од градската врева.
Меѓутоа, како што дознаа медиумите од извор близок до парот, тие во меѓувреме направиле план од оваа недвижнина да создадат мало етно-село кое би го изнајмувале за прослави и викенд-престои. Сепак, амбициозната идеја никогаш не се реализирала, па сега решиле имотот да го продадат.
Брачниот пар ја нуди недовршената куќа и плацот за 24.000 евра, иако, според претходните сопственици, пред само три години ја купиле за 10.000 евра. Со едноставна математика може да се заклучи дека сега бараат двојно повеќе од вложеното, плус евентуалните дополнителни трошоци за кои тие велат дека ги имале при уредувањето.
Според огласите, станува збор за новоградба со површина од 141 квадратен метар, додека плацот има 14,5 ари. Во описот се наведува: „Продавам недовршена куќа во Мраморак, прекрасно село кое се наоѓа меѓу Панчево и Ковин, на 45 минути возење од Белград. Објектот е во самиот центар на селото“.
Иако Луна и Марко првично имаа големи планови за имотот, сега очигледно одлучиле да се ослободат од него – но со надеж дека ќе заработат дупло.
