Српската пејачка Марија Шерифовиќ откри дека неодамна доживеала необична ситуација кога хрватската музичка легенда Тереза Кесовија ѝ испратила порака.
Имено, Марија се снимала со својата мајка, а Верица Шерифовиќ потоа ја замолила да избере помеѓу Бисера Велетанлиќ и Тереза Кесовија, која повеќе ја сака.
– Не ја познавам Тереза Кесовија, ниту, пак, сум пораснала со таа музика, во смисла на моите и нејзините, но нејзиниот гест ме воодушеви. Тереза неодамна ми испрати порака на Инстаграм, реков дека ова сигурно била нечија грешка. Имаше само пофални зборови и оттогаш сме во контакт. Тоа му значи за секој интерпретатор – рекла Марија.
Да потсетиме, Марија Шерифовиќ неодамна донесе одлука повеќе да не биде член на жирито на музичкото натпреварување „Ѕвездите на Гранд“.
– Кукли мои, сигурна сум дека во неколку реченици не можам да ги сместам сите емоции што ги чувствувам додека го пишувам ова. По 10 години поминати во жирито на шоуто „Ѕвездите на Гранд“, чувствувам дека дојде моментот да го затворам ова важно поглавје од мојот живот и кариера. Сите овие години беа многу повеќе од работа. Тоа беше едно големо, незаборавно искуство – полно со смеа, солзи, дискусии, надежи и неверојатни млади луѓе кои ме инспирираа и ме потсетија зошто музиката има моќ да менува животи. Низ сите овие сезони, растев и како уметник и како личност. Имав среќа да ја учам оваа наша професија од најдобрите. Од мојот Сале, кој денес сигурно би се скарал со мене – напишала Марија и додала:
– Ти благодарам за шансата да бидам дел од ова небо. Беше чест, директоре! Ви благодарам на сите вас што ми верувавте, што ме слушавте и понекогаш ме трпевте, ви благодарам што верувавте дека моите зборови имаат смисла. Им благодарам на кандидатите што донесоа толку многу убави моменти во мојот живот и ме потсетија што значи да се бориш за својот сон. На новиот директор, како и на целиот тим што го создава ова шоу, посакувам среќа и уште многу успешни сезони! Сепак, по сè, срцето ми е полно кога знам дека се разделивме со искрени прегратки, како пријатели и колеги кои им помогнаа на многумина да ги остварат своите соништа. А вие што останувате на таа маса, знам дека ќе ви недостасувам! Дури и вие мене. Искрено му честитам на Никола Станишиќ, се надевам дека мудро ќе ја искористи оваа голема отскочна даска што ја доби! Секако, и на Цеца, која го водеше на вистинскиот пат во изминатата година.
