Познатата пејачка Лејди Гага во интервјуто за „Ел“ зборувала за своето ментално здравје, кое како што открила ѝ е нарушено поради траумите што ги добила по силувањето. Таа открила дека неодамна имала напад на паника поради што завршила на Ургентно.
„Тоа е една од најлошите работи што ми се случија. Ме однесоа на Ургентно и ми донесоа доктор, психијатар. Викав и барав да ми донесат вистински доктор. Не сфаќав што се случува бидејќи целото тело ми беше скаменето“, рекла пејачката.
Лејди Гага минатата година за првпат прозборе за силувањето што го доживеала на 19 години, како и за другите здравствени проблеми.
„Имам ПТСП и хронична болка. Болката како резултат на траумите е дел од мојот живот. На лекови сум, имам неколку доктори. Но туркам напред“, рекла тогаш Лејди Гага.
