Во рубриката „Како го запознав партнерот“ – денеска ја имаме познатата пејачка Мијата.
Таа со нашите читатели реши да ја сподели приказната околу тоа како се запознала со својот сегашен сопруг Златко, кој по професија е спортски новинар.
Искрена како и секогаш, Мијата се присети како се запознала со својот сопруг.
– Во 2005 година кога испаднав од „Идол“ од топ 10, Александар Блажевски ме покани да бидам негова вип-гостинка на караоке забава во Прилеп. Отидов, иако бев во депресија дека не продолжив понатаму во шоуто решив да го испочитувам Александар. Е, токму таа вечер, како велат, едно губиш, друго добиваш, го запознав сопругот, кој инаку е другар на Блажевски.
