Српската водителка Јована Јеремиќ наскоро ќе се всели во луксузна куќа во белградската населба Гроцка, која ќе се вика „Вила Јована“, а ја добила на подарок од нејзиното момче, бизнисменот Драган Станковиќ.
„Имотот што ќе го носи името ‘Вила Јована’ беше подарок што ја воодушеви Јована и затоа Драган ѝ даде слобода да го опреми нивното идно катче како што таа сака. Иако била подготвена финансиски да учествува во опремувањето, тој не ѝ дозволил, туку ја отворил чантата и ѝ рекол дека нејзината грижа е само да избере и да нареди. Таа тоа го сфати доволно сериозно и за само две недели потроши 70.000 евра на мебел, бела техника, бања, електрични апарати и оаза покрај базенот“, изјави извор за „Блиц“.
„Во рамките на луксузниот недвижен имот на Јована, покрај базенот, има и овоштарник и поглед на реката, што ја инспирирало да ја дизајнира сопствената оаза на мирот и градината од соништата. Освен надворешноста, планира и целосна реконструкција на внатрешноста на вилата, нови ѕидни бои, нови подови, прозорци и врати. Реконструкцијата на имотот ќе чини дополнителни 50.000 евра, а судејќи според она што Јована го предвидела за дворот, тој трошок ќе го удвои“, тврди соговорникот.
