Српската пејачка Катарина Живковиќ се огласи по веста дека е во блажена состојба.
Наводно, ѕвездата на „Гранд“ е бремена во петтиот месец и тоа е уште една причина зошто во последно време не престанува да се смее. Таа пред неколку дена се појави на промоцијата на албумот на Мирза Селимовиќ, но од нејзината појава никогаш не би се рекло дека очекува бебе.
„Дури и врапчињата на гранката знаат дека со години го чувам мојот приватен живот подалеку од очите на јавноста и не гледам ниту една причина зошто тоа нема да остане така во иднина. Од друга страна, никогаш не сум криела дека едвај чекам да станам мајка и дека тоа е мојата најголема желба во животот. Сега можам само да ви ветам дека кога ќе се случи, нема да го кријам, туку најрадосната вест ќе ја споделам со сите вас“, изјави Живковиќ за „Курир“.
Инаку, пејачката дури неодамна призна дека е во среќна врска веќе шест години, но за партнерот не откри ништо.
