Ако треба да го избереме највљубениот пар на македонската музичка естрада без двоумење ќе кажеме – Антониа Гиговска и Иван Јованов, фронтменот од групата „Либеро“.
Парот воопшто не ја крие нивната љубов, а најмногу за тоа сведочат и заедничките фотографии кои тие ги објавуваат на социјалните мрежи.
Вљубените гулапчиња речиси секое слободно време го користат да го поминат заедно, а најчесто можете да ги забележите по скопските кафулиња и ресторани…
Ја прашавме токму Антониа да ни раскаже за нивното запознавање, еве што вели таа:
– Па, по колегијална линија сигурно се знаевме и пред тоа, ама запознавање како што треба имавме на свадба каде што јас ја пеев првата песна за младите, а Иван заедно со неговиот бенд беа задолжени за музичкиот дел. Оттаму почна сè. Погледи, разговори и слично. Уште кога го видов, кога прозборевме и кога ме погледна во очи знаев дека сме еден за друг. Нема човек како него којшто може да ме разбере без да прозборам ниту ден збор – вели Гиговска за „Слободен печат“.
