Вчера во финалето на УС-Опен се случи вистинска сензација – потполно неочекувано, титулата ја освои Бјанка Андреску, скратувајќи ја можноста на Серена Вилијамс да влезе во историјата на тенисот и да стане жена со намногу освоени Грен слемови.
Оваа Канаѓанка ја победи многу поискусната колешка со два сета и тоа за час и половина.
Интересно е што минатата година на истото место Андреску е поразена уште во првото коло на овој турнир од српската тенисерка Олга Даниловиќ.
- Ова е толку лудо. Пред само година дена играв квалификации и со повреден грб. Без текст сум. Дали е ова реалност? Треба некој да ме штипне. Дали е ова реалност – се запрашала возбудената Бјанка.
Инаку таа годината ја стартуваше рангирана во над 100 најдобри во светот, а вниманието на себе го сврти со триумфот во Индијан Велс. Моментално таа е на 15 место на АТП листата, а нејзината позиција ќе биде повисока, па се очекува да се качи за 10 места.
Бјанка е родена во Канада, но нејзиното семејство се вратило во родната Романија кога таа наполнила седум година, па таму започнала да игра тенис. Сепак, кога работите станале сериозни, тие се вратиле назад во Канада. Интересно е тоа што мајката на Бјанка е интернет сензација во Канада поради специфичниот стил на облекување.
Симпатичната тенисерка е исто така и многу богата. На само 19 години се проценува дека има заработено шест милиони долари.
Во една прилика таа признала дека е многу суеверна и дека има низа ритуали кои ги практикува пред секој меч. Таа на себе секогаш го носи среќниот шорц кој го носела и на турнир за јуниори во Франција каде таа победила кога имала 14 години.
