Американската пејачка Деми Ловато (27) во мај оваа година објавила фотографија во бикини, направена на одмор во Бора Бора, а сега конечно собрала доволно храброст и со светот ја споделила истата слика – само необработена.
Американската пејачка така, како што самата признала, се соочила со својот најголем страв – целулитот.
– Ова е мојот најголем страв. Необработена фотографија од мене во бикини. И знаете што, тоа е целулит. Толку сум уморна од тоа да се срамам од своето тело, уредување фотографии за другите да мислат дека сум прекрасна, но тоа едноставно не сум јас. Сакам ново поглавје во мојот живот, да можам да бидам автентична, наместо да пробувам да исполнувам нечии други стандарди – напишала Деми во описот на фотографијата, која симболично, ја објавила баш вчера на Меѓународниот ден на целулитот.
Ловато е жена која поминала многу. Во минатото се борела со пореметување на исхрана, депресија, па самата си нанесувала повреди, а завршила во болница заради предозирање од опијати.
Денеска таа ги користи социјалните мрежи за да ги едуцира своите обожаватели и следбеници за менталното здравје, а веќе подолго време се залага и за правата на хомосексуалците.
