Шветскиот ланец за производство и продажба на облека, H&M, во состав на својот асортиман ја понуди линијата “Conscious” со артикли кои се направени од рециклирани суровини и одржливи материи. Оваа модна куќа на своите купувачи за првпат ќе им овозможи прилика да носат овошје и алги, но не како дезени на облеката, туку како составен дел во материјалот.
За таа цел H&M оваа година се здружила со компаниите за производство на екотекстил. На полиците во продавниците наскоро ќе може да се пронајде веганска кожа од листови на ананас, како алтернатива на свилата кора од портокал и ѓонови на чевлите изработени од алги.
За овие органски материјали се користат остатоци од бербата на ананас и од цедењето на портокали или со нејзино користење се намалува „пренаселеноста“ на морето со алги, која негативно се одразува на останатиот морски свет, пред сé на коралните гребени.
