Актерката Хилари Даф со своите следбеници на Инстаграм сподели низа фотографии преку кои покажа како нејзиното семејство ги поминало празниците, а многумина се изненадија кога таа објави фотографија со потечено око.
„Одеднаш окото започна да ми изгледа чудно и ме болеше“, напиша таа.
Потоа таа објасни дека веднаш се упатила на доктор, каде и ја откриле причината за инфекција.
„Излезе дека сето тоа е поради бројните тестирања на коронавирусот на кои бев ставена поради работата“, изјави таа.
„Моето око сега е ОК. Добив антибиотик и сега е добро“.
Центарот за контрола на болести потоа соопштил дека оваа состојба на актерката е исклучок и дека е резултат на повеќе околности, со што ги замолија луѓето да внимаваат на своето здравје и редовно да се тестираат.
