Поранешното телевизиско лице, а денес една од најследените Македонки на Инстаграм, Миа Костова вчера го прослави 39. роденден.
Нејзините најблиски пријатели, меѓу кои и модниот стилист Сергеј Варошлија и поп-пејачката Тамара Тодевска, ѝ приредија големо изненадување во еден познат скопски ресторан.
Тие ја пречекаа со познатата роденденска песна „Happy Birthday“, уникатна црна торта и декорации на просторот во истиот стил. Овој гест ја разнежни Костова, која не можеше да ги сокрие солзите додека ги поздравуваше сите гости на нејзината прослава.
Славеничката сподели дел од роденденската атмосфера на социјалните медиуми и се заблагодари за целата организација на нејзините блиски.
„Оваа женска маса. Фала ви од срце, но лута сум ви за пулсот 150“, напиша таа на една од своите инстаграм-стории.
(ВИДЕО) Местото каде ѕвездите „отвораат душа“: Миа Костова во „Ништо лично“
