Познатата српска пејачка Катарина Живковиќ (31) неодамна раскажа дека пред неколку години била нападната после еден нејзин настап, но дека случајот не можела да го пријави во полиција, бидејќи човекот кој ја нападнал бил доста „лошо момче“.
– После настапот се упатив во бекстејџот каде ми пријде човек кого го знаев од порано. Беше пијан и дрогиран. Ме навредуваше, ме пцуеше, ме нарекуваше со погрдни имиња, бев изреволтирана, па му вратив со иста мера – започнала Катарина.
– Почна да ме допира, се нафрли на мене, а кога го одбив, ми залепи шлаканица. Бев исплашена, понижена и повредена. Бидејќи бев девојче, а тој опасно момче, кој ми се закануваше дека сешто ќе ми направи, не смеев да помислам да го пријавам случајот во полиција – додала пејачката.
Катарина истакнала дека ова се случило кога таа имала само 18 години.
– Да се доживее нешто такво на 18 години е навистина страшно. Јас на тој човек не му бев рамна по ниту едни параметри. Бев слабо девојче, кое во ниту еден момент не го предизвика да направи нешто такво. Се кренав и продолжив понатаму – рекла таа за „Хит“.
