Српската поп-пејачка Марија Шерифовиќ кон крајот на минатата година доби син со помош на сурогат мајка, а на социјалните мрежи често покажува како ужива во новата животна улога.
Марија се труди секој слободен момент да го искористи за да го помине со синот Марио, кој ѝ го разубавува секој ден.
Шерифовиќ на Инстаграм сподели фотографија од својот син како лази, додека кучето Хак го гледа Марио, а пејачката се растопила од глетката.
Шерифовиќ своите две омилени суштества ги „врамила“ со рамка во облик на срце, а во описот додала: „Мои“.
Да потсетиме, Марија го крсти својот син во тајност, во присуство на семејството и неколку најблиски луѓе и не случајно избра овој свет чин да се случи на Свети Василиј Острошки.
