Игор Џамбазов на социјалните мрежи често споделува убави приказни обременети од носталгија, со кои може да се поврземе скоро сите. Што се однесува до почетоците во глумата, неговата примарна професија, започнал на шестгодишна возраст кога глумел во филмот „Македонскиот дел од пеколот“, во режија на Ватрослав Мимица. Во текот на детството, во тинејџерскиот период, па сè до запишувањето на Академијата за драмски уметности, тој е присутен во различни емисии и серии.
View this post on Instagram
Шоуменот сега нè врати во далечната 1975 година кога ја играл улогата на Трајче во филмот кој се заснова на истоимената книга „Волшебното самарче“ од Ванчо Николески. Во филмот играл една ог главните улоги заедно со легендарниот глумец Ристо Шишков.
View this post on Instagram
Овој пат на профилот на Игор се најде една од бројните насловни страници на естрадната ревија „Екран“, со фотографии од снимањето на филмот „Волшебното самарче“. Насловната ја красат фотографии од Игор како главен лик во филмот.
„Си бев шеќерче јас, првенец на Ацо и Анче. Па бев Трајче на коњ, малечкото партизанче. И бев ѕвезда во скок, во Драмски бев како во гето, и не, не излегов јас од бифето… Првата строфа од мојата верзија на My way“ – стои во описот на објавата.
View this post on Instagram
„Екран“ најпрвин почна да излегува како подлисток, или поточно, неделен додаток на дневниот весник „Нова Македонија“, за подоцна да прерасне во самостојно издание.
View this post on Instagram
„Тоа беше престиж, да си на насловна на „Екран“. Јас сум бил скоро дваесет пати и секогаш по малце сум се подмочнувал во гаќи од среќа“ – напиша Игор во една од неговите дамнешни објави споделувајќи насловна со неговата мајка, актерката Анче Џамбазова и неговиот дедо, актерот Петре Прличко.
