Актерот Николас Тучи, кој глумеше во филмот „You are next“ од 2011 година, почина на 38-годишна возраст, откако ја загуби битката со ракот.
Тажната вест на социјалните мрежи ја објави неговиот татко, додавајќи дека Николас ја чувал болеста во тајност, со цел тоа да не влијае на неговата работа.
„Ник одлучи својата болест да ја задржи подалеку од јавноста, за да може да ги исполни своите професионални и уметнички соништа што е можно подолго. Во последната година од животот, Ник го работеше тоа што го најмногу го сакаше“, објави неговиот татко.
„На сите од филмот, телевизијата и од театарот им благодариме за охрабрувањето и поддршката. Благодарност и до оние кои уживаа во работата на Ник на екранот и на театарската сцена, затоа што тие го поттикнаа неговиот талент и го ценеа неговиот труд“, додаде таткото на Тучи.
