Во последните неколку месеци животот на Јелена Карлеуша воопшто не е лесен и сосема е очекувано тоа да влијае и врз нејзиното ментално здравје.
Иако се врати на работните обврски, таа уште не може да закрепне од смртта на својата мајка.
За да може да ја надмине тагата и болката, Јелена морала да биде на лекови, а голем дел од нив ги земала на своја рака. Но, кога почувствувала дека тоа ѝ пречи, решила да закаже сесија кај психијатар, каде ѝ била препишана соодветна терапија.
Пејачката забележала дека е параноична, дека има чести промени во расположението, не ѝ е добро и има вртоглавици, па затоа и одлучила дека не е добро да зема лекови на своја рака. Нејзината тетка Даниела е најзаслужна за тоа што Јелена конечно побарала соодветна помош. Таа ја убедила дека мора да зема препишана терапија, за да може да биде силна за своите ќерки.
