Бијонсе наскоро ќе ги израдува своите обожаватели со нова песна која носи наслов „Brown Skin Girl“, за која веќе се снима спотот.
Како што пишува „Дејли Мејл“, дел од спотот ќе биде снимен во Лондон, а една од локациите ќе биде многу блиску до затворот „ХМ“, кој се наоѓа на брегот на реката Темза.
Бијонсе на своите соработници кои работаат на екранизација на оваа песна им кажала дека има посебно барање. Имено, музичката ѕвезда сака во спотот да има „обичен народ“, поточно луѓе од различни култури и етнички структури, особи од различен пол, различни години…
– Бијонсе сака преку овој спот да ја претстави душата на оваа песна. Таа во оваа песна можеби ќе им се обрати на личности како што е актерката Лупита Њонг или манекенката Наоми Кембел, но сака и на „нормалните“ луѓе да им ја раскаже својата приказна. Снимањето почна во Лондон, но Бијонсе ќе се појави во оној дел кој ќе биде снимен во Америка – рекол изворот.
