Викторија Бекам е позната по својот остар хумор, вкусот за мода и изразите на лицето.
Сепак, таа открила дека почнала да ги прифаќа годините и природниот изглед.
„Има нешто ослободувачко во прифаќање на фактот дека имам 45 години, полна сум со самодоверба и задоволна“, рекла во интервју за „Гламур“.
„Сакам да испратам порака дека секој треба да се чувствува како најдобра верзија од себе. Да го цените тоа што го имате. Сакам да им кажам на луѓето да го прифатат тоа што се“, додала, истакнувајќи дека е задоволна со својот изглед.
„Да, и вие и јас имаме брчки – и тоа е во ред“, рекла Викторија.
Открила дека нејзините фотографии не се ретуширани, односно дека ниту една брчка не ѝ е избришана.
„Ќе бидам искрена. Порано се криев и имав штит, на пример, не се смеев во јавност. Сега тоа го нема“, додала Бекам.
