Бугарката Андреа Емилова Иванова (22) пред две години почнала со трансформирање на својот изглед, бидејќи сакала да има што поголема уста. Усните ги зголемила дури 20 пати и сè уште не планира да запре, пишува „Мирор“.
Андреа, која себеси се нарекува „Барбика во реалниот живот“, минатата недела повторно инјектирала хијалурон, со што се пофалила на социјалните мрежи.
– Сакам да имам уште поголеми усни, иако лекарите мислат дека ова е сосема доволно. Сепак, мојот лекар ми рече дека ќе ми стави уште филери ако сакам, но мора да чекам барем два месеца. Ја сакам мојата нова уста – рекла Андреа, која е сега на „кратка пауза“. Ѝ било тешко да јаде два-три дена по последниот зафат.
Андреа не е сигурна дали нејзините усни се најголеми во светот, но е пресреќна со нив. Секој третман го платила најмалку 135 фунти.
– Ги посетив сите клиники во Софија – рекла таа.
Андреа вели дека добива многу комплименти за усните и погледи од различни генерации од целиот свет. Сепак, на многумина не им се допаѓа нејзиниот изглед. Таа изгледала сосема поинаку пред операциите.
„Треба да се откажеш од операциите и наместо тоа да си платиш психијатар“, ѝ порачуваат на Андреа.
