Куќите во близина на езерото Ири во Њујорк буквално се претворени во иглоа по невремето, пренесува Ladbible.
На фотографиите се прикажани куќи веднаш покрај езерото прекриени со мраз и други ледници откако силните ветрови ја оддувале водата од брегот на езерото, каде што таа се замрзнала и ги прекрила домовите.
На некои куќи мразот е толку густ што жителите морале да користат алат за да влезат во своите домови како и за да излезат од нив.
„Морам да го скршам мразот за да излезам низ вратата, рекол еден од жителите.
Додека мразот не се стопи, невозможно е да се процени колкава штета им е нанесена на куќите, иако дрвја и далеководи исто така се урнале под налетите на силниот ветар кој достигнувал брзина и до 80 километри на час.
Снежните врнежи се многу големи во близината на езерото поради „ефектот езеро“, кој настанува кога студениот сув воздух поминува преку езерото, собирајќи влага, пред да го „фрли“ на брегот како снег и мраз.
