За оваа домашна маска потребни ви се само 2 состојки – витамин Е и растителен глицерин.
Витаминот Е е познат како витамин на младоста и убавината и е еден од главните витамини одговорни за затегнатата и здрава кожа на лицето.
Тој регенеративно влијае на кожата, ги корегира последиците од сонцето, но и допринесува за побрзо заздравување на раните.
Колку е ефикасен говори и фактот дека редовно се користи во естетската хирургија, но и дека е еден од главните состојки на скапите креми за лице и производи.
Растителниот глицерин на кожата ѝ дава влажност и ја прави мека, еластична и длабоко хидрирана. Сепак, внимавајте – доколку подолг период сте во простории или предели каде воздухот е изразено сув и влажноста е ниска, глицеринот е подобро да го избегнувате, бидејќи ќе има контраефект – ќе ви ја дехидрира кожата.
Потребни состојки (достапни во скоро сите аптеки):
– 10 капсули витамин Е
– 25 мл растителен глицерин (вишокот префрлете го во друго шишенце)
Припрема:
Дупнете ги со игла капсулите од витамин Е и ставете ги во шишенцето со глицерин, па добро протресете.
Навечер нанесете малку од смесата на потполно чисто лице и оставете да стои околу 50 минути. После тоа не се мијте, туку само пребришете го лицето со влажна марамица и легнете си.
Маската е потребно да се нанесува секојдневно во рок од 14 дена, а првите резултати ќе ги видите после една недела.
Смесата треба да биде густа и леплива, да ви ја загрева кожата, но тоа не треба да ве загрижува.
По потреба во текот на овие 14 дена, направете дополнителна количина од маската.
