Сара Џесика Паркер се уште го живее ликот на Кери Бредшо кој го играше во мегапопуларната серија „Сексот и градот“, што го потврди со својата нова колеција на чевли.
Нејзината нова линија воодушеви многумина, но и пробуди носталгија за легендарната серија во која чевлите кои актерката ги носеше често беа главна ѕвезда во епизодите.
Во соработка со профилот „Every outfit on Sex and the City“ на Инстаграм, Паркер креирала пар сандали од кои едната е жолта, а другата циклама розева боја.
Различните чевли Сара Џесика Паркер ги носеше и во серијата и со тоа покрена еден дотогаш целосно нов тренд. Иако парот кој го носеше во серијата беше со потпис на Кристијан Лобутин, актерката и дизајнерка сега на сите им овозможи да „прошетаат во чевлите на Кери Бредшо“ со оглед на тоа дека нејзиниот бренд е значително поповолен од луксузните лобутинки.
Оваа вест воодушеви многу нејзини следбеници, кои веднаш започнаа со купувањето на новите сандали. Нивната цена е 385 долари.
