Астрономите од Тусон во Аризона откриле нов астероид, кој кружи околу нашата планета и е наречен CD3 2020. Откритието на Твитер го објавил Капер Виршоц, истражувач од програмата „Catalina Sky Survey“ од лунарната и планетарна лабораторија на Универзитетот во Аризона.
– Земјата има нов привремен објект, можна „мини Месечина“ под име 2020 ЦД3. Во ноќта на 15 февруари мојот колега Теди Преј и јас пронајдовме објект – рече Капер.
BIG NEWS (thread 1/3). Earth has a new temporarily captured object/Possible mini-moon called 2020 CD3. On the night of Feb. 15, my Catalina Sky Survey teammate Teddy Pruyne and I found a 20th magnitude object. Here are the discovery images. pic.twitter.com/zLkXyGAkZl
— Kacper Wierzchos (@WierzchosKacper) February 26, 2020
Објектот во пречникот има меѓу 1,5 и 3,5 метри, а неговата патека укажува дека влегол во орбитата на Земјата пред околу три години.
Според зборовите на Капер, ова откритие е голема работа бидејќи „од околу еден милион познати космички карпи, ова е дури вториот астероид за кој се знае дека орбитира околу Земјата, а по 2006 годона, кога е откриен ПХ 120“, пренесува НБЦ Њуз.
Астероидот во вторникот и официјално е внесен во официјалниот каталог на центарот „International Astronomical Union’s Minor Planet“, кој е основан во 1947 година со задача да собира податоци за набљудување на астероиди, комети и природни сателити во Сончевиот систем.
„The Catalina Sky Survey“ е проект кој го финансира НАСА, а кој има за цел да ја скенира вселената за да се откријат и да се следат објектите близу до Земјата, посебно оние кои можат да претставуваат опасност за Земјата.
