Француската уметницата Дебора де Робертис треба да плати казна од 2.000 евра, бидејќи во септември 2018 година позираше целосно гола пред Светилиштето во Лурд, со склопени раце, како да се моли. Медиумите коментираа дека на тој начин ја имитирала статуата на Дева Марија што се наоѓала во пештерата, каде што, според легендите, Богородица во 1858 година се појавила пред девојче од селото Лурд.
#LOURDES
Apparition de #DeborahDeRobertis ! pic.twitter.com/7E1l7X1MR8— Sofia OIO (@Sofiasept) September 2, 2018
Во 2017 година Дебора ги шокираше посетителите на музејот „Лувр“, кога пред Мона Лиза ги рашири нозете и извикуваше недолични зборови.
„Целта не беше на сите да им ги покажам моите гениталии, туку да ја копирам познатата фотографија на Вали Експорт“, рече тогаш Дебора.
Вали Ескспорт е австриска уметница позната по контроверзиите во 60-те и 70-те години на минатиот век.
