Пејачката споделила фотографија на својот профил на социјалните мрежи со натпис во кој пишувало дека „преминала на духови“, алудирајќи на изјавата на Давид за нејзиниот партнер Каспер. Заедно со објавата, Мина на Ѓорѓе му упатила и мошне остра порака, јасно ставајќи до знаење што мисли за неговиот коментар.
– Па што така, мајсторе? Зошто така? Недостаток на внимание? Еве и твојата песна ќе ја ставам со оваа објава за вниманието да биде целосно! П.С. Вистински „џентлменски“ коментар даде за својата колешка. Браво за тебе – напишала Мина.
Нејзината објава набрзо привлекла внимание, а се чини дека пејачката не сакала да премолчи за она што Ѓорѓе Давид го рекол за нејзиниот избраник.
Да потсетиме, Ѓорѓе Давид неодамна зборувал за тоа дека Каспер пишува песни за новиот албум на Мина Костиќ. Во таа прилика признал дека не знае многу за неговата работа, а кога му било објаснето дека станува збор за избраникот на Мина, следувал коментар што предизвикал внимание на јавноста.
– Тоа е исто како да ме прашаш дали знам нешто за квантна физика, кога е во прашање НАТО. Немам поим. Знам кој е Мина Костиќ, Каспер, тоа за мене тој е дух од бајка, кого многу го сакав – рекол Давид со насмевка.
Кога му било објаснето дека Мане Ќурувија Каспер е избраникот на Мина, тој кратко додал:
– А тоа е нејзиниот избраник, па добро. Преминала на духови, тоа е сосема во ред.
