Повеќегодишната соработка помеѓу српската пејачка Јелена Карлеуша и нејзиниот менаџер Зоран Бирташевиќ очигледно била многу значајна не само во однос на нивните резултати, туку и во однос на заработката, пишува српски „Курир“.
За финансиските резултати на нивните компании сведочат податоците од Агенцијата за економски регистри, според кои деловната активност на неодамнешниот продуцент и долгогодишен соработник на поп-ѕвездата пријавила вкупни приходи од над 550.000 евра за последните три сметководствени години.
Според официјално достапните податоци, компанијата на Бирташевиќ, регистрирана под името „Шоулаб“ со седиште во општина Палилула, во 2023 година остварила приходи од 13.602.000 динари, односно околу 116.058 евра. Наредната година приходите изнесувале 21.768.000 динари, што е приближно 185.734 евра, додека во 2025 година биле пријавени 29.987.000 динари, односно приближно 255.862 евра. Кога сè ќе се собере, вкупниот приход на оваа компанија за споменатиот тригодишен период изнесува околу 557.654 евра. Меѓутоа, приходот не е исто што и заработката, па за целосна слика за бизнисот, важно е да се погледнат и расходите и конечниот финансиски резултат. Според доставените податоци, компанијата во 2023 година пријавила нето загуба од 9.305.000 динари, односно околу 79.394 евра. Во 2024 година, загубата изнесувала 4.607.000 динари, приближно 39.309 евра, додека во 2025 година изнесувала 6.750.000 динари, односно околу 57.594 евра.
Од друга страна, финансиските резултати на компанијата на Јелена Карлеуша покажуваат дека таа исто така остварила огромен приход во истиот период како и Бирташевиќ. Според податоците што ги анализирал „Курир“, нејзиниот бизнис „ЈК ентертејмент Белград“ остварил профит од 84.417.000 динари во 2023 година, односно околу 720.282 евра. Во текот на 2024 година, профитот изнесувал 94.464.000 динари, што е приближно 806.007 евра, додека во 2025 година достигнал 115.917.000 динари, односно околу 989.053 евра. Кога ќе се повлече линија, вкупниот пријавен профит на оваа компанија за три години е околу 2.515.342 евра.
.
