Татко и мајка од Аргентина си ја потрупале двегодишната ќерка во песок и ја оставиле 45 минути на сонце на температура од плус 35 степени Целзиусови, за да можат да имаат секс во море.
Полицијата го нашла девојчето, кое било гладно и се здобило со изгореници од сонцето на плажата во Санта Клара дел Марк, која е оддалечена околу 400 километри јужно од Буенос Ајрес.
Таткото и мајката кои имале по 29 години, по овој настан се приведени, откако наводно правеле проблеми при апсењето.
Родителите се соочуваат и со обвинение за поседување на наркотици, откако полицијата кај нив пронашла канабис, екстази и повеќе од 200 таблети од седативот Ривотрил.
Уште еден маж, кој наводно бил со нив на плажа, побегнал пред да дојде полицијата.
Други луѓе кои биле на плажата повикале полиција, откако виделе дека парот има секс во морето.
Според соопштението од полицијата, додека биле во море, родителите ја оставиле двегодишната ќеркичка потрупана во песок, а во тоа време, како што истакнале очевидци, температурата изнесувала околу 35 степени Целзиусови, па многумина изразиле загриженост за здравјето на девојчето.
Таткото на девојчето е од Аргентина, а мајката од Парагвај, додека полицијата не ги објавила нивните имиња.
