20-годишната Рис Јарброф од Мисури нема едно уво, но таа сакала да им покаже на оние кои се против да носат маски дека и покрај недостатокот тоа неа не ја спречува. За да се заштити себеси и другите од вирусот, таа осмислила различни креативни начини да создаде нешто повеќе како уво, каде што нема.
Како што изјавила за BuzzFeed, нејзината состојба се нарекува синдром Голденхар. Поради него, таа имала седум операции, а од десната страна воопшто не може да ги слуша.
Кога се донела одлуката за носење маска, таа побарала на TikTok идеи за како да носи маска во нејзината ситуација, а многумина ја советувале да купи кука или држач за паметни телефони PopSocket. Таа сето тоа пробала и купила протетичко уво.Рис снимила сè, а наскоро нејзините снимки станале вирални.
„PopSocket беше малку поцврста и најудобна варијанта за носење. Покрај тоа, кога го соблеков, немаше никаква трага“, изјавила таа.
„Честопати заборавам дека сум поразлична од повеќето други луѓе и никогаш не би рекла дека лепењето на PopSocket на лицето ќе ми донесе толку голема популарност“, се пошегувала таа на крајот.
