Понекогаш и грижата за еден домашен миленик знае да биде многу тешка задача, а како ли живее оваа жена со повеќе од илјада животни…
Животот на Вен Јунонг е полн со предизвици. Оваа жена ја земала во свои раце грижата за занемарените животни, давајќи им љубов, сместување и храна. Еве како изгледа нејзиниот живот…
Нејзиниот стан е полн со кафези
Вен (68) живее во двокатна куќа, но полна со кафези. Според нејзините зборови, своето прво куче таа го вдомила пред 20 години и оттогаш не престанала со таа активност. Нејзиното семејство сега брои околу 1.300 кучиња, 100 мачки, 4 коњи и неколку птици и зајци.
Секое утро станува во 4 часот
Вен станува рано за да подготви се за своите миленици. Прво ги чисти кафезите, потоа готви мешавина од зеленчук, месо и ориз за животните. Некогаш, таа дневно готви и до 500 килограми храна за нив.
Таа го продала својот стан и земала заем со цел да ги покрие сите трошоци
Грижата за толку животни не е шега. За да ги задоволи нивните потреби, Вен, која некогаш работела како техничар за заштита на животната средина, го продала и својот стан. Исто така земала и заем, својата животна заштита и пензијата, со цел да може на своите животни да им обезбеди храна и сместување.
Таа се надева дека луѓето ќе дојдат кај неа, доколку сакаат да вдомат домашен миленик
Како се повеќе луѓе ги напуштаат милениците, така бројот на животни во домот на оваа жена се зголемува. За да ги нахрани сите животни и помагаат 6 лица, но место за нови станари повеќе нема. Нејзините соседи се жалат поради бучавата и смрдеата, па поради досегашните тужби Вен била принудена досега да се сели дури 6 пати.
Вен се надева дека луѓето ќе започнат да ги посвојуваат нејзините домашни миленици со цел тие да имаат нов дом полн со љубов.
